Am Samschtig, 30. Oktober 2021 het di 6. GV vom VDMJ stattgfunde. D Traktande sind schnell abghandled gsi, dodefür isch viel Ziit für de Ustuusch blibe.
D Zweck vom Verband vo de Deutschschwiizer Mudartjournaliste isch klar. Lut Statute sind das de Ustusch vo Erfahrige im Mundart-Journalismus, d Entwicklig vo Idee und de gegesitige Unterstützig vo de Verbandsmitglieder und d Erlichterig vo de Büez dur s Usstelle vo Presseuswiis. Alli Ziel sind im Veriensjahr 2020, uf das bi de GV retour glueged worde isch, erreicht worde.
Wil de Verband nach wie vor kei Mitgliedsbiiträg duet erhebe und de Kassestand bi null und ohni Bewegige isch, isch d Rächnig schnell gnehmiged gsi. Dodefür isch de Vorstand, wo sit de Gründig im Amt isch, wider gwählt worde. Noimitglieder hets keini geh, so dass d GV scho bald mit em gmüetliche Teil het chönne usklinge.
Verband vo de Dütschschwiizer Mundart-Journaliste 